Pel Samedrin e copatrun da construcziun Urs Pfister va a fin plaun a plaun in temp fitg intensiv. Praticamain durant tut il temp da construcziun ha el numnadamain surveglià las lavurs. Lavurs che termineschan prest, almain quai che pertutga l'edifizi principal. Quel vegn numnadamain inaugurà il 1. da fanadur.
Enfin là dovria quai dentant l’engaschament da tut las lavureras e lavurers da construcziun. Sch’ins dà in sguard en l’intern, alura fa il bajetg anc dapli l’apparientscha d'in plazzal da fabrica che d'in center da cumpra.
