Sin il territori da la vischnanca da La Punt Chamues-ch è fieu artifizial scumandà en l'avegnir. Quai ha decis la radunanza communala cun approvar ina moziun cun 44 cunter 11 vuschs. Sco proxim vegn la suprastanza communala a far ina reglament correspundent, scriva la vischnanca en sia communicaziun.
Ultra da quai ha la radunanza communala da La Punt Chamues-ch approvà il quint annual da l'onn passà. Quel serra cun in surpli d'entradas da radund 2,7 milliuns francs. Tenor la vischnanca han ins registrà entradas supplementaras da taglia da total 1,4 milliuns francs.
