En connex cun la surfabricaziun dal territori Truochs/La Resgia a La Punt Chamues-ch ha il glindesdi cumenzà la segund’etappa.
Abitaziuns per indigens
Numnadamain vegnan construidas duas ulteriuras chasas cun abitaziuns d’abitar. Sco element da colliaziun cun las emprimas duas chasas, ch'èn vegnidas fabritgadas a fin l’onn passà, datti sin dus plans locals per la mastergnanza. Sco la vischnanca scriva en sia communicaziun, sajan gia tut las abitaziuns fittadas u vendidas.
13,3 milliuns francs
La segunda etappa da la surfabricaziun Truochs/La Resgia custa totalmain 13,3 milliuns francs. Uschia che l’entir project da las total quatter chasas ed il parcadi sutterran vegn a custar bunamain 25 milliuns francs.
Previs èsi, che la segunda etappa è finida l’avrigl da l’onn 2023.
audio
Per tadlar - curt e cumpact
ord RTR Audio dals 07.06.2021.
laschar ir. Durada: 1 minuta 27 Secundas.
