Grazia a la preparaziun cun naiv artifiziala ins ha pudì porscher ina buna qualitad da loipa tranter Scuol e Martina. Il traject è mo mez uschè lung sco usità, ma la part cun naiv saja stada da buna qualitad, uschia il president da la cumissiun loipa Scuol – Martina Mario Denoth. La loipa e vegnida preparada da Scuol enfin Ramosch, exact quella part che vegn preparada cun naiv. A partir da Ramosch enfin al cunfin a Martina han ins stuì desister da far ina loipa quest enviern.
Ins ha sperà sin ulteriurs 20 centimeters, ma quels n'èn betg vegnids, uschia èn ins sa concentrà sin il traject da naiv artifiziala. Mario Denoth e tuttina fitg cuntent cun las cundiziuns. Giasts ed indigenas han ludà la lavur prestada malgrà la situaziun da naiv. Dapi il lockdown da corona han ins constatà sin quest traject in augment da traffic annual da radund 10 enfin 15%.
La finamira saja ussa da mantegnair la loipa enfin al Maraton da skis engiadinais.
