Naiv artifiziala na bastia betg per salvar il Vadret u Glatscher da Morteratsch. Tenor in studi lieuia quel vinavant malgrà il project da salvament cun naiv artifiziala. En ils ultims onns è il glatscher tranter auter vegnì cuvernà cun naiv artifiziala. Questas mesiras reduceschian cun gronds sforzs be localmain ch'il glatsch lieuia.
Sch'ins veglia dentant propi salvar ils glatschers, stoppian ins sa focusar sin la protecziun dal clima, uschia la conclusiun dal glaziolog Matthias Huss da l'ETH da Turitg. El ha intercurì l'effect da quest emprim project insumma per salvar glatschers.
Be in dagut en la mar
Ils resultats dal project en il Grischun èn vegnids publitgads en l'ediziun da mars dal magazin dal fatg da l'Associaziun svizra per l'economia da l'aua. Cun ennavar possia fin il 2060 be vegnir franà bun in terz fin in quart da la perdita da glatsch, hai num en il studi. A lunga vista saja quai be in dagut en la mar. Il declin dal glatscher vegnia be retardà.
Adattà al tema
