Per la 9avla giada èn passa 50 professiuns sa preschentadas a l'exposiziun da professiuns a Samedan. Las radund 1'000 scolaras e scolars da l'Engiadina e las Vals dal Sid, ch'èn vegnidas a far la visita, ha survegnì invista ed infurmaziuns davart las professiuns e pudì empruvar ora quellas.
-
Bild 1 von 9. Sa preschentads han tranter auter furners, pastizieras-confisieras... Bildquelle: RTR.
-
Bild 2 von 9. ...floristas... Bildquelle: RTR.
-
Bild 3 von 9. ...electricists... Bildquelle: RTR.
-
Bild 4 von 9. ...tetgers... Bildquelle: RTR.
-
Bild 5 von 9. ...miraduras... Bildquelle: RTR.
-
Bild 6 von 9. ...coiffeurs... Bildquelle: RTR.
-
Bild 7 von 9. ...spezialistas d'assistenza (FaBe)... Bildquelle: RTR.
-
Bild 8 von 9. ...sanitaris... Bildquelle: RTR.
-
Bild 9 von 9. ...u era bostgeras. Bildquelle: RTR.
Che l'exposiziun ha puspè pudair avair lieu è per Giancarlo Simonelli, rectur da la scola professiunala Samedan in grond plaschair. Pervia da la pandemia eran quatter onns tranter la davosa e questa exposiziun empè da trais onns. E quai haja la scola professiunala badà.
Las cifras da scolaras e scolars èn idas enavos e surtut n'han las scolaras ed ils scolars betg gì la pussaivladad da far fufragnadas, quai era in grond problem.
Actualmain pon giarsunas e giarsuns da 10 professiuns ir a scola a Samedan. A partir dal proxim onn da scola èn quai mo pli set. Questa tendenza ha chaschunà, che magistras e magisters da la scola èn daventads activs tar il chantun.
En pli vul in startup che sa numna «inavaunt» porscher maun en questa problematica. «Inavaunt» vul far gnir pli visibel professiuns cun emprendissadis e duai daventar la colliaziun tranter patruns e giarsuns cun organisar occurrenzas per infurmar ils scolars davart las differentas professiuns. En pli vulan Sandra e Remo Püntener gidar firmas cun soluziuns individualas, per exempel concepts per lur giarsuns.