Siglir tar il cuntegn

Header

audio
Per tadlar
Or da Actualitad dals 11.03.2023.
laschar ir. Durada: 3 minutas 10 Secundas.
cuntegn

Maraton da skis engiadinais Internet svelt è dumandà da tut las varts

Cun ses var 13’000 participants e participantas è il Maraton da skis engiadinais la pli gronda concurrenza da passlung da la Svizra, e la segund gronda concurrenza da l’entir mund. Ina concurrenza che attira in grond interess medial.

Schurnalistas, fotografs, il comité d’organisaziun, ils responsabels da la mesiraziun dal temp – tuts èn avisads sin ina rait d'internet effizienta. Cun agid da quella transmettan tuts e tuttas lur datas directamain dal lieu. Clà Luzzi è dapi divers onns responsabel per questa colliaziun a l'internet.

Tegnair la survista da la salata da cabels

Entaifer dus dis installescha l’Engiadinais numerus cabels en tut ils lieus nua ch’i fa basegn. A la fin arriva mintga singul cabel tar ina lingia da fibra che va enfin a Turitg.

La survista e la controlla che tut funcziuna sco giavischà tegna Clà Luzzi sur in’applicaziun sin il telefonin, u era cun agid dal computer. Tar in incap pudess el uschia reagir spert, e reactivar il servetsch entaifer be paucas minutas. Grazia sia lunga experientscha po Clà Luzzi esser calm e segir che tut funcziuna sco giavischà.

RTR actualitad 08:00

Artitgels legids il pli savens