Maraton da skis engiadinais - Naiv e glatsch mancan anc sin il traject

Per il 53avel maraton da skis engiadinais n'è il traject original anc betg pront dal tut. Sco Menduri Kasper, il directur dal eveniment ha ditg ad RTR na sajan per l'ina ils lais da Segl e Silvaplauna anc betg schelads avunda, daspera dettia quai anc parts cun memia pauca naiv. Oravant tut en il guaud da Staz, tranter San Murezzan e Puntraschigna duvrassi anc var 20 - 30 cm naiv frestga. Ils organisaturs elavureschian las proximas duas emnas in traject alternativ per questa part. Temp hajan ins però anc avunda, ina decisiun definitiva fiss numnadamain pussaivla er anc durant l'emna da maraton.