Siglir tar il cuntegn

Header

Purtreet da Martina Shuler-Fluor
Legenda: Martina Shuler-Fluor surpiglia il timun a partir dal prim d'october. Lia Rumantscha, Mayk Wendt
cuntegn

Martina Shuler-Fluor Chesa Planta survegn nova manadra da gestiun

Il cussegl da la Fundaziun de Planta-Samedan ha tschernì Martina Shuler-Fluor sco nova manadra da gestiun. Ella è mediatura da lingua e cultura. La Zuozingra è domiciliada a Madulain. Ella surpiglia il post da Dr. Robert Grossmann che ha manà las fatschentas dapli l'atun 2012.

Il cussegl da la Fundaziun de Planta-Samedan ha tschernì Martina Shuler-Fluor sco nova manadra da gestiun. Ella è mediatura da lingua e cultura. La Zuozingra è domiciliada a Madulain. Ella surpiglia il post da Dr. Robert Grossmann che ha manà las fatschentas dapli l'atun 2012, scriva la fundaziun en ina communicaziun.

La Chesa Planta

Textbox aufklappenTextbox zuklappen
La Chesa Planta

Sco la Fundaziun de Planta scriva, vegnia il center cultural da la Chesa Planta, che cumpiglia in museum, ina biblioteca, ina vasta sperta culturala e curs da rumantsch, resguardà sco in dals lieus culturals pli cumplets dal Grischun.

Martina Shuler-Fluor è creschida si en Engiadin'Ota ed è dapi in pèr onns engaschada da la Lia Rumantscha sco promotura da la lingua rumantscha en Engiadin'Ota ed en la Val Müstair. Da promover la lingua e cultura rumantscha resguardia Shuler-Fluor sco vocaziun.

Ella giavischia in barat d'ideas viv ed intensiv tranter la Chesa Planta a Samedan, ils indigens ed ils giasts sco er ina stretga collavuraziun cun las scolas communalas e medias, las vischnancas, las instituziuns culturalas, las organisaziuns da turissem e la scena culturala.

RTR novitads 14:00

Artitgels legids il pli savens

Scrollar a sanestra Scrollar a dretga