Siglir tar il cuntegn

Header

video
Anna Sidonia Marugg ha intercurì il microplastic en l'En
Or da Telesguard dals 11.06.2020.
laschar ir
cuntegn

Microplastic Da la funtauna enfin en la mar – microplastic

La gimnasiasta Anna Sidonia Marugg ha fabritgà sez in instrument per controllar l’aua – il resultat è stà surprendent.

Sco lavur da matura è Anna Sidonia Marugg da Zuoz sa deditgada al tema microplastic. In'emissiun tar SRF ha dà ad ella la motivaziun.

Cun leger bler m'èsi vegnì conscient che nus mangiain mintg’emna ina carta da credit, dimena 5 grams – quai m’ha furmà e midà mes esser.
Autur: Anna Sidonia MaruggStudenta da Zuoz

A l’entschatta ha ella construì in instrument da lain per ramassar las particlas e lura fatg provas en differents lieus – a partir dal lai Lunghin, la funtauna dal flum enfin en val. Las pli bleras particlas ha ella chattà en il lai da San Murezzan.

Quest studi conferma ch'i dat plastic enfin sin radund 2’500 meters sur mar. Cun sia lavur ha ella pudì eruir ils differents plastics. Per pudair però era retschertgar anc pli detaglià sur dal tema, concentraziun e daco ch'il plastic sa chatta dapertut, vuless la giuvna studenta ussa proseguir cun la lavur.

Per sia lavur da matura ha ella survegnì il premi da la fundaziun «Schweizer Jugend forscht» ed ultra da quai era il premi «Swiss Junior Water Prize» e dastga cun quai preschentar il studi era ad ina concurrenza internaziunala.

RTR Telesguard 17:40 / Actualitad 17:00

Artitgels legids il pli savens

Ir a sanester Ir a dretg