Il mulin da Sent è in object istoric da l'onn dal cuc. Uschia numn'ins sche la data n’è betg enconuschenta. Questa chasa istorica vegn actualmain renovada da fund si. Era la fatschada cun ornaments e sgrafits vegn renovada e quai dal pictur da Zernez Roman Bühler.
Pudair far ina tala lavur è insatge unic per in pictur.
Renovar fatschadas e sgrattar suenter sgrafits vegls pretenda premura ed ina lavur exacta, uschia Bühler, oravant tut da chattar la dretga colur da la chaltschina. Gia ses antecessurs eran passiunads per realisar e refar sgrafits. El e ses collavuraturs han surpiglià quella passiun.
Il mulin da Sent
-
Bild 1 von 7. Il mulin da Sent en vischinanza dal clutger da San Peder. Bildquelle: RTR.
-
Bild 2 von 7. Il sgrafit vegl vegn refatg. Bildquelle: RTR.
-
Bild 3 von 7. Or dal mulin datti in'abitaziun moderna. Bildquelle: RTR.
-
Bild 4 von 7. La firma Bühler refa ils sgrafits vegls. Bildquelle: RTR.
-
Bild 5 von 7. Renovar sgrafits vul pazienza e passiun. Bildquelle: RTR.
-
Bild 6 von 7. Era la colur da la fatschada daventa nova. Bildquelle: RTR.
-
Bild 7 von 7. Maletgs vegls dal mulin da Sent. Bildquelle: RTR.
Mintga figura ha in'istorgia
Vi da la chasa dal mulin sa chattian diversas figuras, sin la fatschada vers ost sa chattia ina ritscha. Arlette Burkhalter enconuscha ils ornaments. Ella fa regularmain visitas cun giasts tras la vischnanca per declerar quels.
L’architect Duri Vital enconuscha l’istorgia dal mulin
Enfin dal 1820 era quai il mulin e pli tard ina tenscharia, vul dir in lieu nua che vegniva colurà stoffa. Pli tard ha cumprà in falegnam la chasa e dal 1920 ha il scriptur Peder Lansel la chasa. Gist in onn suenter è quella arsa giu fin sin las miraglias.
Questa chasa è da l'onn dal cuc causa ch’ins na sa betg quant veglia ch’ella è propi.
Peder Lansel ha però renovà la chasa sco abitaziun. Oz è quest mulin en possess privat. Il possessur metta grond pais da laschar la fatschada uschè originala sco pussaivel. L'architect Duri Vital metta grond pais che tut ils sgrafits ed era la colur resta originala. Il pictur Roman Bühler cun ils collavuraturs fa quai cun gronda premura.