Siglir tar il cuntegn

Header

video
L’aventura d’organisar in musical burlesc
Or da Telesguard dals 20.08.2020.
laschar ir
cuntegn

«Musical Burlesc» a Scuol Finamira accumplida – il musical burlesc vegn realitad

Il palc decorà, la vestgadira tipica dals onns 1920 pinada e la musica è pronta – la tenda po s'auzar.

In pitschen siemi vegn realitad per la studenta da musica Cinzia Regensburger. Ella ha finalmain cuntanschì quai ch’ella vuleva adina puspè far – organisar sezza in musical da l’entschatta ennà.

La gronda part da las musicantas e dals musicants èn amis ed indigens, e per part era collegas da musica. Ensemen cun amis e cun la famiglia ha ella organisà la tribuna, la tecnica, scrit sezza tocs da musica, ma era arranschà musica burlesca adattada a la furmaziun da musica.

Jau fiss ina giada uschè gugent part dad in musical!
Autur: Cinzia RegensburgerRespunsabla dal musical burlesc

Ussa èsi uschè lunsch, cun blera iniziativa ed engaschament e surtut cun bler agid da tut las varts vegn il musical burlesc preschentà. Durant 10 dis han tuttas e tuts exercità ed improvisà – e dals 20 fin ils 22 d'avust 2020 han lieu las preschentaziuns a Plaz Scuol Sot.

Cinzia Regensburger.
Legenda: Cinzia Regensburger durant las emprovas. RTR, Georg Luzzi

RTR actualitad 12:00

Artitgels legids il pli savens

Scrollar a sanestra Scrollar a dretga