La Büvetta – pli baud in lieu impurtant per turists da cura – stat oz sut protecziun da monuments. Ella tutga tr ils objects istorics ils pli impurtants dal chantun Grischun. Ma la substanza da la Büvetta sa chatta en ina situaziun alarmanta, uschè experts che han examinà quel dal on 2025. Plinavant è l’object periclità causa ch’el sa chattia en in zona cotschna.
Las substanza è ussa ad in punct nua chi fa propi da basegn per mantegnair uschiglio èsi memia tard
Gia dal 2013 e vegnida fundada la Pro Büvetta cun la finamira da vulair proteger il bajetg istoric. Per sanar l’object sasez ed era ils conturns prevesan ins custs da 18 milliuns.
Ina fundaziun sco nova proprietaria
Uss duai dar in nov pass en l'istorgia dal bajetg istoric. La vischnanca da Scuol prevesa da surdar il bajetg e la chasa Carola ad ina fundaziun. Plinavant vul la vischnanca contribuir 3,7 milliuns francs per realisar las mesiras da segirezza en ils conturns e la sanaziun da las funtaunas. Il contract per fundar la fundaziun vegn suttamess a la populaziun da la vischnanca da Scuol ad ina votaziun a l’urna. Ils 12 avrigl 2026 decida la populaziun da la vischnanca sur dal credit per sustegnair la sanaziun da la Büvetta.
Fotografias istoricas
-
Bild 1 von 3. La Büvetta – da pli bod ferm visità pervia da l'aua minerala. Bildquelle: Pro Büvetta Tarasp.
-
Bild 2 von 3. Luzius, Bonifazius ed Emerita – las funtaunas da l'aua minerala sa chattian en la Büvetta. Bildquelle: Pro Büvetta Tarasp.
-
Bild 3 von 3. Turisticamain ed era ord motivs da sanadad vegniva la Büvetta frequentada bain. Bildquelle: Pro Büvetta Tarasp.
18 milliuns per realisar tut il project
3,7 milliuns vegnan da la vischnanca, radund 4,5 milliuns sto la nova fundaziun ramassar. Sche la populaziun da glisch verda e la fundaziun riva da garantir ils raps, lura fluescha era il rest tras il chantun e la confederaziun. La finamira davart dals responsabels è da cumenzar quest’on cun las emprimas lavurs e finir tut il project entaifer 4 enfin 5 onns.