Nemo è in star internaziunal dapi la victoria per la Svizra al Eurovision Songcontest dal matg passà. Dumandà sin ils gronds palcs internaziunals, ma er sin palcs pli pitschens, sco a Silvaplauna en Engiadin’Ota.
Cas da fortuna
La vischnanca cun var 1’000 abitantas ed abitants ha engascha Nemo gia avant la victoria al ESC. Ch’il star internaziunal ha fatg visita en Engiadin’Ota, saja in cas da fortuna, di Gian Paul Scarpatetti, il coordinatur da turissem da Silvaplauna. Ma quest fatg ha er chaschunà per in sforz supplementar.
Grond star – grondas pretaisas
Uschia haja la vischnanca stuì investir dapli en la segirezza che normalmain il prim d'avust. Vinavant èn vegnids installads dus visurs en auters lieus da la vischnanca, per che tut ils fans han pudì persequitar il concert. La plazza dal Güglia ha plaz per var 1’000 persunas, arrivadas èn la fin finala var 2’000 ed han festivà il prim d'avust ensemen cun Nemo.
