En il cumbat electoral da La Punt Chamues-ch avevan cumbattì Peter Tomaschett (64) ed Yves Emonet (42) per il presidi. Fatg la cursa ha finalmain Peter Tomaschett cun 83 vuschs. Il cuntracandidat ha obtegnì 35 vuschs. Il pli absolut è stà tar 60 vuschs.
Peter Tomaschett surpiglia il timun da la vischnanca da Jakob Stieger il prim da schaner 2022. Stieger è stà durant 26 onns a la testa da La Punt Chamues-ch.
Suprastanza cumpletta
Ultra da quai han ils 122 preschents a la radunanza communala confermà ils cussegliers effectivs per in’ulteriura perioda da trais onns. Numnadamain: Marc Lony, Simone Greder e Gian Marco Hotz. Nov en suprastanza è vegnida elegida Cesira Brunner.
In'èra va a fin
Cun grond applaus ha la radunanza communala engrazià al president partent Jakob Stieger. El ha demissiunà l'uffizi da president communal suenter esser stà durant 26 onns a la testa da La Punt Chamues-ch. Jakob Stieger sa legria uss surtut sin dapli temp liber, tranter auter per viagiar per il mund.
