La gnervusitad è anc avant maun era cun avair sunà 60 onns en ina societad da musica, quai conferman omadus. Max Fili ha laschà inspirar dal dirigent e decis da sa participar, el vul uschè motivar a la giuventetgna da sa participar a talas occurrenzas. Per Ruedi Bühler èsi impurtant da restar activ, star a chasa sin la pultruna n'è betg in’opziun.
Musicantas e musicants da la societad da musica da Zernez han sa mes ensemen, fatg provas è sunà il toc modern «Jerusalema».
Quest toc è scrit cun sincopas, per musicants pli attempads èsi da star si cun la ureglias.
Omadus musicants èn cuntents cun la prestaziun da lur ensemble ed han passentà in di plain tensiun ed emoziuns ensemen cun musicantas e musicants da tut l’Engiadina, Samignun e vals dal Sid.
14avlas producziuns libras per solists ed ensembles
Radund 20 gruppas da solists enfin gruppas da brass han sa participà a las occurrenzas. Trais experts han valità ils tocs da musica e finalmain dà giu in curt rapport. Organisà vegn questa occurrenza da l’uniun da musica district 1.
