Siglir tar il cuntegn

Header

Ovras electricas Pradella - OEE
Legenda: Ovras electricas Pradella - OEE RTR
cuntegn

OEE vs. vischnancas La dispita areguard il transport da forza electrica va vinavant

Ston vischnancas concessiunaras che retiran forza electrica da terzs, pajar per il diever da la rait? Davart quella dumonda sto uss il Tribunal federal a Losanna dar pled e fatg. Las vischnancas tiran vinavant la sentenzia dal Tribunal federal administrativ.

La cumissiun d’electricitad ELCOM ed era il Tribunal administrativ federal han han gia decidì en chaussa. Tenor els èn las vischnancas concessiunaras da S-chanf enfin Valsot obligadas da surpigliar ils custs da transport da la forz’electrica, sch’els retiran quella d’in auter furnitur che da las Ouvras Electricas d'Engiadina.

Davant il Tribunal federal

Tenor infurmaziuns dal president da las vischnancas concessiunaras han els decis da trair vinavant la dumonda a l’instanza pli auta. Per il temp dal 2016 enfin il 2019 stuessan las vischnancas restituir per il transport da la forza electrica, ina summa da radund 8 milliuns francs a las Ouvras Electricas d'Engiadina.

Dapi il schaner 2020 retiran las vischnancas puspè la forz’electrica da las Ouvras Electricas Engiadina e betg pli dad in terz.

RTR novitads 12:00

Dapli da Engiadinaavrir la Landingpage

Nach links scrollen Nach rechts scrollen