Ovra electrica Pradella - Sanar la protecziun da la riva per 5 milliuns francs

Per segirar meglier ils implants da las Ovras electricas d'Engiadina a Pradella sper Scuol investescha l'interpresa var 5 milliuns francs. Cun sanar ils indrizs da protecziun a la riva da l'En vulan las OEE d'ina vart garantir la stabilitad dal batschigl da regulaziun Pradella. Da l'autra vart vai era per proteger ils implants d'aua gronda pussaivla. Dapi in'aua gronda la stad 2019 hajan ins constatà midadas vi dal flum e da la riva en il conturn da Pradella, scriva las OEE. Las lavurs cumenzan quest settember, e duain esser a fin l'onn 2025.