Di da las portas avertas
-
Bild 1 von 8. Dumeng Oswald il responsabel per il mantegniment maina tras l'ovra electrica. Bildquelle: RTR.
-
Bild 2 von 8. La falla a cula che serra giu l'aua avant la turbina. Bildquelle: RTR.
-
Bild 3 von 8. Cumponentas imurtantas da la turbina. Bildquelle: RTR.
-
Bild 4 von 8. Di da las portas avertas a Pradella. Bildquelle: RTR.
-
Bild 5 von 8. In object da preschentaziun. Bildquelle: RTR.
-
Bild 6 von 8. Las ovras electricas a Pradella en vischinanza da Scuol. Bildquelle: RTR.
-
Bild 7 von 8. Survista da las fallas da cula. Bildquelle: RTR.
-
Bild 8 von 8. Ina part da la turbina. Bildquelle: RTR.
L’implant electric a Pradella è in dals pli gronds en Svizra e vegniss da producir forza per radund 80% dal chantun Grischun. Dapi trais onns èn ins vidlonder a far revisiuns. Novs generaturs e transfurmaturs ed oravant tut las turbinas ston vegnir sanadas. La turbina è quella part nua che l’aua vegn cun grond squitsch sin la roda.
Per il directur Giacum Krüger è l’implant electric a Pradella enorm impurtant, da total 1'400 gigawatt/uras che las ovras produceschan vegnan sulet 1'000 gigawatt/uras da l’ovra a Pradella.
Ina revisiun succeda cura che ina maschina maina ina prestaziun da radund 90%, normalmain mainan ellas ina prestaziun da 93%. En emprima vista han ins l’impressiun che 3% na saja betg tragic. Cun quels 3% producesch'ins forza per radund 10’000 chasadas, uschia ha ditg Dumeng Oswald.
Durant 3 onns han ins ussa sanà tuttas quatter maschinas da producir forza a Pradella. Tenor il directur Giacum Krüger stuess questa revisiun ussa bastar per ils proxims 25 onns, numnadamain fin a la fin da la concessiun, quella scroda il 2050.