Gia il matg 2020 aveva il Parc Naziunal Svizzer registrà fitg bleras visitas sin sia pagina d’internet. E gia d’Anzainzas e da Tschuncaisma eran ils parcadis a l’ur da la via sur il pass dal Fuorn plains, e blers viandants da viadi sin ils trutgs dal parc.
Perquai ha il parc instradà ensemen cun l'universitad da Turitg ina retschertgà – per examinar co covid-19 influenzescha ils visitaders e las visitadras. E tenor la retschertga ha var la mesadad dals dumandads inditgà, che la pandemia haja influenzà pli u main ferm lur decisiun da visitar il parc. E 20 pertschient dals dumandads na fissan betg vegnids en la regiun dal parc senza la pandemia.
Nova e pli giuvna glieud
Vinavant ha la retschertga era mussà ch’il parc ha gì cleramain dapli giasts pli giuvens, persunas tranter 21 e 40 onns. E 40 pertschient dals visitaders han inditgà en la retschertga – ch’els n’hajan anc mai visità il parc, u ils davos 10 onns betg pli.
Tar la retschertga dal Parc Naziunal Svizzer la stad passada, han ins dumandà 1’200 persunas.
