Siglir tar il cuntegn

Header

cuntegn

Parc Naziunal Svizzer Gianna Rauch Poo nova commembra da cumissiun federala

Gianna Rauch Poo da Sent è nova commembra da la Cumissiun federala dal Parc Naziunal Svizzer. Quai scriva la Confederaziun. Il Cussegl federal ha elegì l’economa sco represchentanta dal chantun Grischun. La Rumantscha maina la scola Valsot a Ramosch. Ella succeda al jurist Armon Vital da Scuol. Gianna Rauch Poo entra en uffizi il prim da schaner 2023.

La cumissiun è il cussegl da fundaziun dal Parc Naziunal Svizzer. Ella è responsabla per segirar e sviluppar il parc naziunal il pli vegl da las alps. En la cumissiun èn nov persunas. Trais represchentants da Pro Natura, dus da la Confederaziun, dus da l'Academia svizra da las scienzas natiralas e mintgamai ina represchentanta dal chantun Grischun e da las vischnancas dal parc.

Or da l'archiv:

video
Il Parc Naziunal Svizzer – in sguard en il futur cun Ruedi Haller
Or da Telesguard dals 25.09.2019.
laschar ir. Durada: 1 minuta 51 Secundas.

RTR novitads 17:00

Artitgels legids il pli savens