Parc Naziunal Svizzer - Selvadi e tuttina betg selvadi

1 / 13

Legenda: Curt suenter l‘urizi ha ina gruppa da selvaschina pasculà fitg datiers da la senda vers Margunet, tradescha Fadri Bott. Fadri Bott

2 / 13

Legenda: I sa tracta da vatgas tschierv e lur pitschens. Fadri Bott

3 / 13

Legenda: Persuenter ha l‘egl scolà immediat vis la muntanella. Pia hai puspè num da montar il spievel lung. RTR

4 / 13

Legenda: Las muntanellas na sa laschan betg disturbar da visitaders e visitadras che passan paucs meters sperasvi. RTR

5 / 13

Legenda: RTR

6 / 13

Legenda: Turnads engiu da Margunet a Stabelchod mussa il guardiaparc Fadri Bott fastitzs d‘animals. Durant la notg è la selvaschina stada a pascular sin la pastgira a Stabelchod. RTR

7 / 13

Legenda: Fluras cun colurs che splenduran èn da vesait sper la senda en il guad tranter Stabelchod e Margunet. RTR

8 / 13

Legenda: Ina sort sanetsch («Eberreiskreuzkraut») RTR

9 / 13

Legenda: La grifla dal diavel RTR

10 / 13

Legenda: La gipsera serpentina («Kriechendes Gipskraut») RTR

11 / 13

Legenda: Er las furmias vivan en il parc. RTR

12 / 13

Legenda: Ellas han creà in furmicler. RTR

13 / 13

Legenda: Brunsinas datti schizunt amez la senda a Stabelchod. RTR

Il prim d'avust 1914 è vegnì fundà l’emprim e l’unic parc naziunal en la Svizra. Dapi lura vegn quel surlaschà a la natira. L’uman è qua be sco visitader. Avant era la regiun dal parc ina regiun cultivada e duvrada pli u main intensivamain. Ozendi visitan radund 125’000 persunas onn per onn il parc per esser ora en la natira, vesair cuntradas selvadias ed observar selvaschina.

El è selvadi, bler pli selvadi che tut tschai che nus avain probablamain en tut las Alps perquai che nus na faschain propi nagut dapi passa 100 onns.

1 / 10

Legenda: Suenter l‘urizi è il sulegl puspè turnà a Stabelchod. Qua sin 1'950 meter sur mar datti in guaud da tieus da muntogna. RTR

2 / 10

Legenda: Ma en il guaud da tieus da muntogna sa chattan er singuls schembers. Lezs han dapli guilas, sco Fadri Bott mussa. RTR

3 / 10

Legenda: Tranter questa crappa vesan ins savens serps. Gest suenter urizis, cura ch‘il sulegl turna, possian ins magari avair cletg. Oz n‘è quai però betg stà il cas. RTR

4 / 10

Legenda: RTR

5 / 10

Legenda: RTR

6 / 10

Legenda: RTR

7 / 10

Legenda: Senda a Stabelchod direcziun Margunet. RTR

8 / 10

Legenda: En il Parc Naziunal Svizzer ston visitadras e visitaders restar sin las sendas. En differents lieus datti però pli gronds plazs da repaus. Quels plazs èn marcads cun pals. RTR

9 / 10

Legenda: Tar las lavurs dal guardiaparc tutga er da tgirar las sendas. Magari dovri la pala, craps pli pitschens stauscha Fadri Bott or da via duran ir a pè, cun il piz dal chalzer u era cun il chaltgogn. I vesa or sco in tric da Lionel Messi. RTR

10 / 10

Legenda: Direcziun Margunet vegn la senda magari pli taissa ed igl è da far pli gronda pass. RTR

Il territori da 17’000 hectaras è sa sviluppà e sa midà fitg ferm e sin l'emprima egliada para tut fitg selvadi. Sco ch'il directur dal parc Ruedi Haller manegia, saja il parc oz segir la pli selvadia regiun en Svizra, però main selvadia che quai ch'ils fundaturs avant passa 100 onns avessan fatg quint. Per exempel ves’ins anc adina clers cunfins tranter las anteriuras pastgiras d’alp ed il guaud. Fin che il guaud reconquista questas pastgiras po quai durar anc plirs tschientaners.

Nus faschain in experiment cun ina fin intscherta. Nus na savain betg tge che capita. Però jau pens ch'i dovra bler dapli temp.

Daventar selvadi è in process che dura ditg e nagin sa quant selvadi ch'il parc daventa propi, declera il directur. Mintgin ha er in'idea tge che è propi selvadi. Tenor il Parc Naziunal Svizzer sto il territori simplamain daventar anc pli divers. La finamira è averta e duess era restar averta, i saja in experiment cun ina fin averta. Els na san betg tge che capita però i dovra fitg bler temp.

Or da l'archiv

Serrar

13:09

video

Parc Naziunal Svizzer (1/3)

Or da Balcun tort dals 20.08.1967.

laschar ir. Durada: 13 minutas 9 Secundas.

13:51

video

Parc Naziunal Svizzer (2/3)

Or da Balcun tort dals 01.10.1967.

laschar ir. Durada: 13 minutas 51 Secundas.

10:42

video

Parc Naziunal Svizzer (3/3)

Or da Balcun tort dals 12.11.1967.

laschar ir. Durada: 10 minutas 42 Secundas.