Las sfessas en il catram mussan che la via sin quest traject da la via dal Pass da l'Umbrail n'è betg pli stabila. Il mir da sustegn sto perquai vegnir rinforzà cun 35 ancras dad otg meters lunghezza. Las lavurs èn ina sfida – adina quatter lavurers lavuran 12 uras per di per cumadar il donn da las malauras.
La via dal Pass da l'Umbrail, quella procura adina puspè per rumpatesta. Sin dus kilometers existan var 50 mirs da sustegn da quest gener. Che precis quest toc haja dà problems, quai è vegnì magari nunspetgadamain.
Lavurs actualas sin il Pass dal Umbrail
-
Bild 1 von 4. Las lavurs vi da la suga èn pretensiusas. Bildquelle: RTR.
-
Bild 2 von 4. Il mir da sustegn, ch'è var otg meters aut, survegn var 35 ancras dad otg meters lunghezza. Bildquelle: RTR.
-
Bild 3 von 4. Il plazzal da fabrica da circa 20 meters autezza. Bildquelle: RTR.
-
Bild 4 von 4. Ils responsabels èn optimistic da pudair avrir ils 23 da settember. Bildquelle: RTR.
Il mir da sustegn, quel ha sco emprim pass survegnì ina vetta da gunit, betun da sprizzar ed ina rait da fier, quai per tegnair ensemen la structura. Durant ils proxims dis vegnan montadas las ancras. Sche tut va bain, sche las lavurs avanzan bain e sche l’aura permetta, lura pon ils responsabels puspè avrir la via dal pass ils 23 da settember. Fin a quella data resta la via serrada cumplettamain per il traffic.