Siglir tar il cuntegn

Header

Zernez.
Legenda: Geniturs da Zernez vulan savair, sch'els chattan ina maioritad en vischnanca che sustegna lur pretensiun da far tests da massa en scola. Keystone
cuntegn

Per tests da massa en scola Ils geniturs da Zernez rimnan suttascripziuns

A Zernez rimnan ils geniturs entant suttascripziuns per animar il Cussegl da scola da tuttina far tests da massa en scola. Il Cussegl da scola aveva numnadamain decis da betg far part da la strategia dal chantun cun ils tests regulars facultativs.

Differents geniturs preoccupads da Zernez vulan en furma d'ina brev averta ramassar suttascripziuns tar la populaziun. Els vulan uschia vegnir a savair, schebain i dat ina maioritad en la vischnanca che sustegna lur pretensiun da far tests da massa en scola u betg.

Linard Martinelli, in da quels geniturs, ha declerà ch'els veglian surtut cuntanscher ils geniturs dals 160 uffants che van a Zernez a scola, dentant er autras persunas ch'èn da l'avis ch'il cussegl da scola duess reponderar sia decisiun.

A Zernez ha il cussegl da scola numnadamain decidì l'emna passada da betg far tals tests da massa facultativs en scola. Ils arguments ch'il cussegl da scola ha numnà, na satisfan betg tut ils geniturs. Ed ils iniziants da la brev averta n'han er betg survegnì ina resposta dal cussegl da scola sin la dumonda ch'els han fatg. Tras las medias èn els però vegnids a savair, ch'il cussegl da scola restia tar sia decisiun.

audio
Per tadlar curt e cumpact
01:03 min, RTR Audio dals 26.03.2021.
laschar ir. Durada: 01:03 minutas.

RTR novitads 17:00

Artitgels legids il pli savens

Scrollar a sanestra Scrollar a dretga