Siglir tar il cuntegn

Header

video
Update plazza aviatica Samedan
Or da Telesguard dals 14.04.2023.
laschar ir. Durada: 2 minutas 26 Secundas.
cuntegn

Plazza aviatica Samedan Cumissiun administrativa è cumpletta

La conferenza da la plazza aviatica Samedan ha elegì trais novs commembers per sia cumissiun administrativa. Tina Boetsch, anteriura directura da la destinaziun turistica d’Engiadin’Ota, Mario Cavigelli, anteriur cusseglier guvernativ e Stefan Metzger, deputà dal cussegl grond en vegnids elegids. La cumissiun sa constituescha sasez. En sia emprima sesida han ils responsabels elegì Mario Cavigelli sco president da la cumissiun administrativa, Gian Peter Niggli ch'ha manà ad interim il gremi è il vice-president. Quai hai num en ina communicaziun.

Credit supplementar per project

Durant ils ultims mais han ils responsabels surlavurà il project da sanaziun da la plazza aviatica. La gruppa da lavur propona cun il nov project da realisar quel en etappas. Quai senza serrar la plazza aviatica. Il project actual prevesa custs da var 35 milliuns francs. L’import è sur ils 22 milliuns francs che la populaziun da las 11 vischnancas da l'Engiadin'Ota aveva concedì cun la votaziun a l'urna il 2017. Perquai vegnia a dar ina votaziun per in credit supplementar.

audio
President interim Gian Peter Niggli: Co vai vinavant?
ord Novitads dals 14.04.2023. Maletg: RTR
laschar ir. Durada: 2 minutas 40 Secundas.

Dumondas avertas pretendan dapli temp

La missiva per quella votaziun vess stuì vegnir preschentada oz a la conferenza da la plazza aviatica. Causa dumondas avertas davart la finanziaziun tras Confederaziun e chantun, na saja quella finamira betg reussida. Vinavant sajan ins anc en tractativas cun la Rega che evaluescha in lieu per ina basa ordaifer la plazza aviatica. La finamira saja da pudair preschentar l'atun da quest onn la missiva per la votaziun pel credit supplementar.

RTR actualitad 17:00

Artitgels legids il pli savens