Siglir tar il cuntegn

Header

cuntegn

Pliras persunas en quarantina Infecziun en in hotel a Puntraschigna

En in hotel a Puntraschigna hai dà la gievgia in'ulteriura infecziun cun il coronavirus, quai ha infurmà l'Uffizi da sanadad dal Grischun. Actualmain sa chattian quatter persunas en isolaziun e 16 ulteriuras sajan en quarantina, ina persuna è ospitalisada. Ils concepts da segirezza dals purtaders turistics vegnan uss anc ina giada controllads.

Chantun ponderescha ulteriuras mesiras

Questa fin d'emna vegnia ad esser in test per las bars e las discos en Grischun. Quai ha la media chantunala, Marina Jamnicki, ditg envers RTR:

Suenter questa fin d'emna veglia il chantun communitgar eventualas ulteriuras mesiras en connex cun il coronavirus – er davart il contact tracing.

En l'entir Grischun eran il venderdi saira passa 125 persunas en quarantina e 7 persunas en isolaziun. Radund 80 da quellas persunas en quarantina eran stads l'ultima fin d'emna a Cuira en sortida en ina bar, nua ch'in collavuratur è pli tard vegnì testà positiv.

Sa tegnair vid las reglas da distanza

En sia communicaziun fa il chantun er cler quant decisiv ch'i saja uss da sa tegnair vid las reglas da distanza e d'igiena. Finamira saja d'evitar ch'i dettia anc ina giada mesiras da protecziun uschè severas sco in lockdown.

En quest senn appellescha il chantun er a l'atgna responsabladad da mintgin ed fa endament da laschar las datas da contact correctas tar visitas dad occurenzas, restaurants e clubs.

RTR novitads 20:00

Artitgels legids il pli savens

Scrollar a sanestra Scrollar a dretga