Preda - Pass da l'Alvra stà serrà per pliras uras

La mesemna suentermezdi èn dus autos collidads sin la via da Preda al pass da l’Alvra. L’automobilist che vegniva giu da l’ospizi saja guntgì in auto che vegniva encunter en in toc stretg, scriva la Polizia chantunala. Tar quest manever haja el cupitgà il mir e mancà l’auter vehichel. Dentant haja el gartegia grevamain l’auto che suandava en direcziun dal pass. La cunautista da lez saja vegnida blessada levamain e tractada en l’ospital da Samedan. Durant che las forzas d’intervenziun han rumià il plazzal d’accident è la via stada serrada per bun trais uras. Sulettamain ils motociclists han pudì passar.