Siglir tar il cuntegn

Header

cuntegn

Premi d’innovaziun 2020 La pertga da pestgar survegn il premi

Renato Vitalini da Scuol cun sia firma V-Stick Custom Flyrods survegn il premi d’innovaziun da la la regiun Engiadina Bassa/Val Müstair 2020.

La regiun Engiadina Bassa / Val Müstair surdat mintg’onn in premi a firmas innovativas, cun ideas originalas e che genereschan ina plivalur a la regiun.

V-Stick Custom Flyrods

Renato Vitalini ha fatg or da sia passiun ina professiun. Dapi il 2015 construescha el pertgas da pestgar cun la mustga, mintgina è in unicat, individuala e fatga a maun. Quellas venda el sin tut il mund. Il lieu da producziun è Scuol, nua ch'el lavura. Dasperas dat el era instrucziun da pestgar cun la mustga.

Il premi datti dapi il 2003

Il premi d’innovaziun vegn surdà mintg’onn e quai dapi il 2003. La Clinica Holistica a Susch, Brunner Guitars a Lavin ed il restaurant In Lain a Brail han er gia survegnì il premi. I dat dentant er projects che n'han betg gì success. Uschia ha il project dals Shaolins a Tschlin fatg naufragi. Quel project aveva retschavì il premi l’onn 2018.

audio
Engiadina Bassa/ Val Müstair: Il premi d'innovaziun n'è nagina garanzia per il success
ord Actualitad dals 04.02.2021.
laschar ir. Durada: 2 minutas 40 Secundas.

RTR novitads 06:00

Artitgels legids il pli savens