Siglir tar il cuntegn

Header

video
Privel da fieu a Val Poschiavo
Or da Telesguard dals 30.03.2022.
laschar ir. Durada: 3 minutas 15 Secundas.
cuntegn

Privel da fieu Val Poschiavo Adina pronts per il cas d’urgenza

La situaziun da la sitgira en la Val Puschlav saja delicata, di Ramon Carpintero, il cumandant dals pumpiers da Brusio. Divers mais n’haja quai betg pli pluvì, ma adina sufflà in ferm vent. En la Val Puschlav vala per il mument in scumond da far fieu absolut.

audio
Puschlav: Privel d'incendis – malgrà plievgia annunziada
ord Actualitad dals 30.03.2022.
laschar ir. Durada: 3 minutas 20 Secundas.

Per ils pumpiers signifitga quai d’esser adina pront per il cas urgent. Uschia saja impurtant d’avair adina avunda pumpiers en val ed er ils vehichels da pumpiers sajan adina pronts. Impurtanta saja er la collavuraziun cun il servetsch forestal. Quel è numnadamain responsabel per il mantegniment dals batschigls d’aua da reserva. En il territori da Brusio datti quatter batschigls. Quai per pussibilitar ina rotaziun pli sperta per il helicopter.

Il viadi da rivar e turnar tar il lago di Poschiavo durass numnadamain memia ditg, di l’ingenier forestal, Gilbert Berchier. Per abolir il scumond absolut da far fieu, duai plover almain da tut in’emna, uschia l’um da Brusio.  

RTR actualitad 17:00

Artitgels legids il pli savens

Scrollar a sanestra Scrollar a dretga