Siglir tar il cuntegn

Header

cuntegn

Punt da Gurlaina Scuol dovra probabel ina nova punt

La punt da Gurlaina è en in stadi uschè nausch ch'ella sto vegnir demontada. Quai rapporta la FMR. Avant in’emna aveva la vischnanca annunzià, d’infurmar questa saira la populaziun.

Che la punt ch'è vegnida construida il 1905 sto vegnir sanada, è enconuschent. L'examinaziun da la substanza haja uss però mussà, che la punt da Gurlaina saja en in stadi pli nausch che pensà. Perquai hajan ins interrut las lavurs e fatg divers scleriments. Questas infurmaziuns resortan dal Mas-chalch da la vischnanca da Scuol da gievgia passada.

Sco proxim èsi previs da demontar la punt il pli tard l’october. La punt vegn lura trapartida en trais tocs e deponida a Gurlaina per in’eventuala sanaziun. Questas mesiras betg previsas vegnan a chaschunar custs supplementars uschè auts, ch’i basegna ina decisiun a l’urna. Fin uss quintava Scuol d'investir 2,2 milliuns francs en la sanaziun da la punt da Gurlaina.

audio
Per tadlar: Las novitads da las 06.00
ord RTR Audio dals 29.06.2020. Maletg: RTR
laschar ir. Durada: 5 minutas 21 Secundas.

RTR novitads 06:00

Artitgels legids il pli savens