Siglir tar il cuntegn

Header

video
Suprastanza propona ina taxa per segundas abitaziuns
Or da Telesguard dals 24.11.2023.
laschar ir. Durada: 31 Secundas.
cuntegn

Puntraschigna Suprastanza propona ina taxa per segundas abitaziuns

La suprastanza communala da Puntraschigna vul introducir ina taxa per promover emprimas abitaziuns. Persunas che possedan segundas abitaziuns duain en il futur pajar ina taxa. Las entradas duain vegnir nizzegiadas per promover emprimas abitaziuns.

Il sboz per la lescha prevesa ina taxa directiva per abitaziuns che na vegnian nizzegiadas sco emprimas abitaziuns. Excepziuns valian per abitaziuns che vegnan nizzegiadas intensivamain per il turissem, scriva la suprastanza en ina communicaziun a las medias.

La taxa duai far pli attractiv per possessurs e possessuras d'immobiglias da metter a disposiziun las abitaziuns a persunas indigenas. I manchia spazi da viver, adina pli paucas persunas possian abitar l'entir onn en il vitg.

Davart la revisiun da la lescha communala, ch'i dovra per ina tala taxa, duai il suveran da Puntraschigna vuschar probablamain l'onn 2024. Ils 8 da december datti ina saira d'orientaziun per persunas interessadas.

RTR novitads 17:00

Artitgels legids il pli savens