RTR ha tschertgà cun Voss agid las pli bellas impressiuns dal quartier Scuol Ost. Or da tuttas fotografias inoltradas ha ina giuria da RTR fatg ina preselecziun per votar online. Grazia fitg per la participaziun a la concurrenza.
Cun 99 da las 321 vuschs gudogna Nina Magni cun sia fotografia da la levada dal sulegl l'emprim plaz. Sin il segund plaz sa tschenta Jolanda Thanei ed il terz plaz va a Cristiana Fliri. Cordiala gratulaziun a Vus trais.
Las victuras
- Nina Magni gudogna in bon da 150 francs
- Jolanda Thanei gudogna in bon da 100 francs
- Cristiana Fliri gudogna in bon da 50 francs
Ils bons èn valaivels per ina fatschenta u ustaria a Scuol.
Dretg da fotos
Cun trametter fotografias ad RTR essas Vus d’accord che las datas da persunas vegnan duvradas en connex cun la seria da RTR «Quartiers – las perlas a l'ur». Dapli infurmaziuns chattais Vus sut https://www.rtr.ch/dretgs.
Vinavant dais Vus uschia Voss consentiment che las fotografias pon vegnir publitgadas sin rtr.ch e ses chanals socials.
RTR resalva il dretg da betg publitgar fotografias sch'ellas na represchentan betg il quartier u na laschan betg tiers ina identificaziun cun quel.
