Unanimamain han ils 24 votants e votantas preschentas da Zuoz approvà la mesemna il quint annual da l'onn passà. Tar entradas da 13,7 milliuns francs serra quel cun in surpli da 2,3 milliuns francs.
En pli ha la suprastanza da Zuoz infurmà davart il stan actual da divers projects en lavur. Uschia ha la vischnanca contactà il chantun pervi dals privels enturn la cruschada Resgia. Alura vegnan las zonas da ruaus per la selvaschina en las regiuns Munt Seja/Lavainers e Vallatscha/Chaminedas, introducidas provisoricamain l’enviern passà – transfurmadas en ina furma stabla.
