Regiun Engiadina Bassa beneventa project da Resort a Scuol

Il project per realisar in Resort d’hotel cun 200 letgs en la vischnanca da Scuol, ha la regiun valità en senn positiv a maun dal chantun Grischun.

project resort Scuol Bild in Lightbox öffnen.

Legenda da maletgs: Il project prevesa 500 novs letgs a Scuol che duain vegnir realisads en duas etappas. mad

Bunamain 20 milliuns francs vegn a custar il Resort cun 200 letgs, previs gist in vischinanza da las Pendicularas Scuol Motta Naluns. Per quest project fai da basegn dal sustegn dal maun public.

Ils iniziants sut la direcziun da l’hotelier Kurt Baumgartner da Scuol, han perquai inoltrà ina dumonda da princip tar l’organisaziun regiunala. Tenor la valitaziun da quella accumplescha il project ils criteris basegnaivels per vegnir sustegnì ha declerà il president da La Regiun, Victor Peer ad RTR.

En in proxim pass vulan ils iniziants inoltrar la dumonda da princip tar la vischnanca da Scuol.