La Regiun Malögia vul ir a reguard dal svilup regiunal novas vias. Quai scriva la Conferenza da las presidentas e dals presidents en ina communicaziun. I va per involver meglier la populaziun.
Cun far regularmain discussiuns publicas saja la finamira da survegnir in sustegn pli vast per realisar projects. Las vischnancas e la publicitad duain vegnir involvidas pli fitg en dumondas dal svilup regiunal. La realisaziun da projects saja uschiglio memia pauc lianta per tuts, scriva la Conferenza da las presidentas e dals presidents en ina communicaziun.
Persuenter ha la conferenza decis da schliar la gruppa accumpagnanta ch'a cusseglià ils davos trais onns la Conferenza dals presidents e da las presidentas.