Gist a l'ur da la fracziun da Ftan, a Sainas, datti ina spunda cun pauca pendenza. Ina tschinta da transport maina ils uffants radund 80 meters si da la costa. A dretga e sanestra han els lura la pussaivladad da far las emprimas experientschas sin ils skis.
-
Bild 1 von 8. La cursa dals pitschens da 3-4 onns. Bildquelle: RTR.
-
Bild 2 von 8. Leni Magdalena Heinrich lavura cun passiun dapi onns sco magistra dad ir cun skis – er a Ftan. Bildquelle: RTR.
-
Bild 3 von 8. La cursa è a fin. Bildquelle: RTR.
-
Bild 4 von 8. Claudio Marighetto (sanester) cun Daniel Visioli, ils dus magisters da skis per ils pitschens. Bildquelle: RTR.
-
Bild 5 von 8. Daniel Visioli mussa co ir cun skis als pitschens. Bildquelle: RTR.
-
Bild 6 von 8. Il pitschen kiosk. Bildquelle: RTR.
-
Bild 7 von 8. Claudio Marighetto cun Maurice. Bildquelle: RTR.
-
Bild 8 von 8. Ils pitschens pon trenar da far stortas enturn divers obstachels. Bildquelle: RTR.
Ed els n'èn betg sulets, magisters da skis decleran pass per pass e sustegnan els da fund ensi. Cun gronda premura e pazienza instrueschan els ils emprims svungs sin la naiv.
Babs e mammas stattan a l'ur da la pista e guardan cun plaschair co lur uffants fan las emprimas experientschas. Il grond avantatg da questa pitschna regiun da skis datiers da Ftan è ch'ella e gratuita. Uffants dastgan empruvar, far emprimas experientschas e tranteren però far ina pausa, giugar cun la naiv e sche la motivaziun è anc avant maun dastgan els era empruvar anc ina runda cun ils skis.
Magisters da skis cun pazienza
Cun gronda premura e motivaziun mussan ils magisters da skis co far las emprimas stortas enturn las bandieras. Senza squitsch, il plaschair e l’atgna motivaziun duess avair preferenza.
Il paradis da skis per ils pli pitschens e il fundament per cumenzar ad ir cun ils skis. Uffants cun dapli experientscha dastgan alura proseguir sin la regiun da skis Motta Naluns gist en vischinanza. A Ftan datti numnadamain ina sutgera che maina en la regiun.
Daniel Visioli lavura dapi 12 onns al runal pitschen. Tar la visita da RTR sa preparava el per la cursa da skis per ils 12 uffants da 3 fin 4 onns, che fineschan cun quai l'emna da skis.
Per quels pitschens datti l'avantmezdi mintgamai ina ura scola da skis. Il suentermezdi vegnan alura ils pli gronds e fan duas uras instrucziun.
Claudio Marighetto lavura gia dapi 15 onns al runal a Ftan. Per el è quai ina buna midada, in bel equiliber, cun sia lavur da stad, en il sectur da construcziun.
Sper la pazienza saja era impurtant da pudair far in zic da clown per ils uffants e da mintgatant quietar els cun doping secret.