Cun la realisaziun da l’engrondiment da la deponia Bos-chetta Plauna datiers da S-chanf l'onn 2019 eran ins persvas che quest spazi bastia per radund 15 enfin 20 onns. Suenter tschintg onns han ussa ils responsabels da la deponia inoltrà tar il chantun la dumonda per in engrondiment. Actualmain vegnan manads radund 250’000 tonnas l’onn sin la deponia, percunter vegnan be radund 70’000 tonnas manadas davent en furma da material per far glera e betun.
La dumonda al chantun prevesa d'ina vart da chavar ora il fundament existent, quest material vegn duvrà per nettegiar e duvrar sco gera ed elavurar a betun. La deponia duai però era vegnir auzada per radund 15 meters. Cun questas mesiras prevesan ins dad avair anc avunda spazi per ils proxims onns.
La dumonda è actualmain tar ils uffizis chantunals. Flurin Wieser, il mainagestiun da la depona spera da survegnir il permiss per l’engrondiment anc questa primavaira. Tenor il chantun sa tractia dad ina procedura pendenta, causa quai n'han els betg pudì prender posiziun.
