Siglir tar il cuntegn

Header

cuntegn

S-chanf Selvicultur na turna betg pli

Sco quai che l'advocata dal selvicultur scriva en sia communicaziun, na vegnia il dispensà ad interim betg a turnar en sia funcziun. Suenter la condemnaziun prematura en il spazi public na saja ina cuntinuaziun betg supportabla. La nova suprastanza communala al aveva offrì da turnar.

L'october 2019 è el vegnì dispensà pervia delicts supponids. Segund ina communicaziun da medias da sia advocata Claudia Nievergelt Giston, haja la suprastanza communala fatg public il cas senza avair intercurrì las reproschas. Sinaquai haja dà ina campagna mediala cunter il inculpà e sia famiglia.

Dus mais pli tard haja ina part da la medema suprastanza communala publitgà en in protocol in extract ord ina expertisa, lura puspè retratg quel. La campagna haja tutgà el e sia famiglia grevamain.

Las examinaziuns currentas davart las reproschas sustegnia l'accusà cumplainamain scriva sia advocata. Ses mandant resalva pass giuridics cunter ils responsabels.

video
Novitads
Or da Telesguard dals 06.04.2020.
laschar ir

RTR novitads 20:00

Artitgels legids il pli savens

Scrollar a sanestra Scrollar a dretga