Siglir tar il cuntegn

Header

video
Chattà ina schliaziun per la Clinica Gut
Or da sil punct dals 02.07.2020.
laschar ir
cuntegn

Samedan/San Murezzan La Clinica Gut vegn en l'Ospital Engiadin'Ota

L'avertura da la nova clinica communabla en l'ospital regiunal a Samedan vegn ad esser la stad 2022. La Clinica Gut e la Fundaziun provediment da sanadad Engiadin'Ota han suttascrit ina decleraziun d'intenziun da vulair approfundar lur collavuraziun. Ils dus partenaris vulan damai tractar en avegnir communablamain tut ils pazients ch'han dolurs, feridas u accidents che pertutgan l'apparat da moviment.

Uschia pudain tractar en avegnir dapli pazients, pudain augmentar nossa qualitad, nizzegiar sinergias e sut il stritg augmentar il gudogn.
Autur: Beat MollCEO Ospidel Engiadin'Ota

Reducziuns da plazzas na sajan prevesidas naginas. En avegnir vegnan damai a lavurar bundant 600 persunas en il spital regiunal da l'Engiadin'Ota.

In egl crida - l'auter ria

Che la Clinica Gut banduna San Murezzan fa in zic mal ad Adrian Urfer, il delegà dal cussegl administrativ da la clinica. Tuttina è el persvadì che la soluziun a Samedan è la meglra per pudair mantegnair la clinica en l'Engiadina.

Per mai è la soluziun per la clinica fitg buna. Per San Murezzan percunter èsi segiramain la segund-buna soluziun.
Autur: Adrian UrferDelegià dal cussegl administrativ da la Clinica Gut

Dentant na saja quai betg pli stà realistic da realisar ina nova clinica a San Murezzan. Ni sin l'areal Serletta Sid, ch'è bloccà dapi onns davant dretgira, ni tar il Heilbad a San Murezzan Bogn. Il squitsch da temp saja stà memia grond, cunquai ch'il contract da fittanza dal lieu actual scada l'onn 2023.

Permanence resta a San Murezzan

A San Murezzan, nua che la Clinica Gut è situada oz, è previsa ina permanence per cas urgents ed uras da consultaziun. Dentant senza staziun da letgs e salas d'operaziun. Nua che quella permanence vegn a sa chasar è anc avert, uschia Adrian Urfer.

RTR novitads 14:00

Artitgels legids il pli savens

Scrollar a sanestra Scrollar a dretga