La regenza grischuna garantescha a la fundaziun «Ufficina Engiadinaisa per falegnams» ina contribuziun da 2,16 milliuns francs. Premissa è ch'era il Cussegl grond deliberescha questa summa.
Dapi passa 50 onns porschia l'ufficina plazzas da giarsunadi per falegnamas e falegnams e saja in'instituziun ferma ed indispensabla per l'Engiadin'Ota, argumentescha la regenza sia decisiun. Ils edifizis a Samedan vegn sanads cumplessivamain enfin l'onn 2023 e l'entir project custa 2,89 milliuns francs.
