Siglir tar il cuntegn

Header

audio
70 abitaziuns per indigens
Or da Actualitad dals 03.12.2022. Maletg: RTR
laschar ir. Durada: 3 minutas 27 Secundas.
cuntegn

Samedan Vischnanca burgaisa vul abitaziuns per indigens

En il territori da Promulins, a l'ur da Samedan, posseda la vischnanca burgaisa bun 10’000 meters quadrats terren da construcziun. Questa parcella era vegnida tractada avant onns sco lieu pussibel per ina halla da glatsch regiunala. In'idea ch'ils burgais da Samedan avevan dentant refusà. Causa la mancanza d’emprimas abitaziuns pajablas en la regiun, saja la vischnanca burgaisa interessada tant dapli da realisar lieu abitabel per indigens a Samedan, uschia Claudia Nievergelt, la suprastanta da la vischnanca burgaisa da Samedan.

Claudia Nievergelt, suprastanta vischnanca burgaisa
Legenda: Claudia Nievergelt, suprastanta vischnanca burgaisa RTR, Anna Caprez

Elavuraziun da plan da quartier

La parcella purschess lieu per var 70 abitaziuns. Premissa per realisar quellas, saja d’elavurar in plan da quartier, per pudair inoltrar silsuenter in project. Per quel vulan ils Samedrins lantschar ina concurrenza d'architectura. La finamira saja ch'ina giuria decidess il 2024 en chaussa, uschia ch'ins pudess cumenzar cun la construcziun l’onn 2025. La radunanza da vischins da Samedan ha approvà cun vusch unanima 520'000 francs per la planisaziun d'ina surfabricaziun Promulins.

RTR actualitad 17:00

Artitgels legids il pli savens

Scrollar a sanestra Scrollar a dretga