Siglir tar il cuntegn

Header

cuntegn

Samedan Votaziun per nova lescha da construcziun

Il suveran da Samedan po votar davart la revisiun totala da la lescha da construcziun a la radunanza communala ils 8 da december. Quai scriva la suprastanza communala en ina communicaziun.

La lescha actuala deriva da l'onn 2005. Cun ina revisiun totala duai la lescha da construcziun vegnir armonisada a la legislaziun d'abitaziuns secundaras ed ulteriuras cunvegnas e leschas. La revisiun cumpiglia surtut adattaziuns tecnicas. La suprastanza communala ha deliberà la revisiun totala.

Deficit per l'onn 2023

En pli ha la suprastanza communala communitgà ch'ella budgeteschia in deficit da 2,4 milliuns francs per l'onn 2023.

Sper il budget e la revisiun da la lescha da construcziun duai la radunanza communala tranter auter er decider davart in credit da var 2,9 milliuns francs per la sanaziun da l'infrastructura Plazzet-Quadratscha ed in credit da planisaziun d'in mez milliun per la sanaziun da la scola professiunala Promulins.

audio
Per tadlar: las novitads da las 20:00
ord RTR Audio dals 08.11.2022.
laschar ir. Durada: 3 minutas 27 Secundas.

RTR novitads 20:00

Artitgels legids il pli savens

Scrollar a sanestra Scrollar a dretga