Il turnier da polo sin il Lai da San Murezzan vegn a cumenzar sco planisà ils 27 da schaner. Suenter temperaturas fitg miaivlas èsi betg stà cler sch'il turnier possia avair lieu.
Tenor ils organisaturs haja il glatsch grazia a las temperaturas bassas entant la grossezza necessaria. Ditg han els stuì spetgar sin la lubientscha, e perquai hajan gidonters e gidontras stuì luvrar uss pli svelt ch'usità. Perquai hajan els er stuì transportar material cun il helicopter.
Tar las preparaziuns tutgan la construcziun da la tribuna per aspectaturas e la tenda da VIPs. Ulteriuramain èsi da preparar il plaz da polo ch'è 200 meters lungs e 100 meters lads.
audio
Per tadlar: las novitads da las 07:00
ord RTR Audio dals 19.01.2023.
laschar ir. Durada: 4 minutas 56 Secundas.
