Siglir tar il cuntegn

Header

cuntegn

San Murezzan Futur da Laudinella è segirà

A San Murezzan midan ils hotels Laudinella e Reine Victoria maun. L'augment da chapital decidì il november saja gartegià, statti en ina communicaziun. Il hotel po vegnir sanà e schlargià. La firma da la famiglia Schlatter che ha manà dapi blers onns ils dus hotels è da nov l'acziunaria principala.

Da l'augment da chapital da 4,3 milliuns francs hajan ils Schlatters finanzià la plipart cun 4 milliuns francs, scriva la Laudinella SA. L'augment da chapital duai gidar a finanziar il project da radund 15 milliuns francs per engrondir e sanar l'hotel Laudinella. Previs è da renovar numerusas chombras e da construir 22 chombras novas. I dat ina nova entrada principala ed ina nova lobby.

Ulteriurs daners per realisar il project vegnan d'in consorzi da la Banca chantunala Grischuna, la Societad svizra per credits da hotel SGH e dal chantun Grischun.

Laudinella SA

Textbox aufklappenTextbox zuklappen

La Laudinella SA è la purtadra dal hotel Laudinella cun tschintg ustarias, duas bars e maina a fittanza il hotel Reine Victoria sco Garni da quatter stailas. Il hotel Laudinella è il pli grond hotel da l'entir onn en l'Engiadina e dat durant la stagiun lavur a fin 200 persunas.

RTR novitads 11:00

Artitgels legids il pli savens

Scrollar a sanestra Scrollar a dretga