Siglir tar il cuntegn

Header

Vista sur il lai sin San Murezzan
Legenda: San Murezzan RTR, David Spinnler
cuntegn

San Murezzan Il rendaquint 2019 serra cun in gudogn

Quai grazia a pli autas taglias sin il gudogn tras la vendita d'immobiglias e da trapass, la vendita da la Chesa Brunal, investiziuns pli bassas ed amortisaziuns pli autas.

Il rendaquint 2019 da la vischnanca da San Murezzan serra cun in gudogn da 411'000 francs. Manà a quest resultat han tranter auter entradas da taglia da 3,7 milliuns francs pli autas che budgetà. Surtut las taglias da trapass e las taglias sin il gudogn tras la vendita d'immobiglias èn stadas marcantamain pli autas l'onn 2019.

En pli ha la vendita da la Chesa Brunal manà ad in gudogn realisà da 9,4 milliuns francs. Tiers vegn che la vischnanca n'ha betg realisà tut las investiziuns planisadas e ch'ins ha pudì amortisar 13 milliuns francs supplementarmain.

Il cussegl communal da San Murezzan ha deliberà il rendaquint unanimamain.

Per l'onn 2020 fa San Murezzan quint cun in minus da 842'000 francs. Il president communal Christian Jott Jenny fa quint da pudair tegnair en il preventiv malgrà la crisa da corona.

Areal Signal

Il cussegl communal ha en pli decidì da metter a disposiziun a la Regiun Malögia l'areal Signal per ina halla da glatsch regiunala. Questa decisiun è crudada cun 14 envers 2 vuschs.

L'areal Signal è in da dus areals anc en cursa per ina halla da glatsch regiunala, l'auter areal sa chatta a Samedan. La decisiun nua che la halla da glatsch regiunala duai vegnir planisada e realisada vul la Regiun Malögia trar questa stad. Tenor Christian Jott Jenny è da quintar cun in orizont da realisaziun da 8 fin 10 onns.

RTR novitads 06:00

Artitgels legids il pli savens

Scrollar a sanestra Scrollar a dretga