Suenter las nozzettas da l'India da l’atun passà a San Murezzan, duai uss seguir la festa exclusiva en Engiadina. L’ertavel grec Stavros Niarchos e Dasha Zhukova han decidì or da motivs persunals da festivar a San Murezzan. Quai conferma il directur d’in hotel da la famiglia Niarchos. La famiglia posseda dapi decennis hotels e pendicularas en Engiadina. Zhukova è la ex-dunna da Roman Abramowitsch, l’anteriur possessur dal FC Chelsea. Per la gronda festa ch'è tranter auter sin l’areal da la schanza olimpica a San Murezzan sajan envidads var 250 giasts renumnads internaziunals.
A San Murezzan hai dà gia pliras festas da nozzas luxuriusas cun prominenza da tut il mund. Tranter auter er pervia da la cuntrada e da la segirtad.
audio
Per tadlar curt e cumpact
ord Novitads dals 11.01.2020.
laschar ir. Durada: 1 minuta 2 Secundas.
RTR novitads 06:00
