Siglir tar il cuntegn

Header

cuntegn

San Murezzan Regenza fa liber la via per Du Lac

Il chantun fa liber la via per la chasa da tgira Du Lac. La regenza grischuna ha approvà la revisiun parziala da la planisaziun locala che San Murezzan aveva decidì. Allegraivel saja tenor Regula Degiacomi, suprastanta da la vischnanca da San Murezzan er, che la regenza haja refusà il recurs pendent che proprietaris en condomini avevan inoltrà cunter la revisiun parziala.

En in proxim pass giaja quai uss per las lubientschas da construcziun. Cunter quellas datti tenor Regula Degiacomi actualmain dus recurs pendents. Davart quels sto la suprastanza da la vischnanca da San Murezzan decider. Cun ina decisiun saja da far quint la primavaira che vegn.

Project sa retardescha per in onn

Suenter la decisiun da la suprastanza possian ins cumenzar cun las lavurs da construcziun. Pervia dals recurs sa retardeschi l’entir project per in onn. Vul dir che l’avertura prevesida l’onn 2023 vegn ad esser pir il 2024.

Ord l'archiv:

Segl, Silvaplana e San Murezzan han decidì il 2016 da tuttina manar vinavant il project, malgrà il Na da la vischnanca da Puntraschigna.

video
San Murezzan na vul betg satrar il project «Du lac»
Or da Telesguard dals 23.06.2016.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga