Siglir tar il cuntegn

Header

Bruno Marinoni
Legenda: Dapi 5 onns maina Bruno Marinoni la Scola da skis San San Murezzan. RTR, Anna Caprez
cuntegn

Scola da skis San Murezzan Quantitad da lavur intscherta per il favrer

Entant che la partenza en la stagiun d’enviern 2020/21 è gartegiada meglier che spetgà, na rivan ins uss betg da calcular quanta lavur che la Scola da skis San Murezzan vegn ad avair las proximas emnas.

audio
Ina stagiun intscherta per magistras e magisters da skis
03:31 min, Actualitad dals 15.01.2021.
laschar ir. Durada: 03:31 minutas.

Regulaziun natirala

En media occupa la pli veglia e pli gronda scola da skis da la Svizra 350 magistras e magisters. Causa las restricziuns da viagiar il december 2020, saja il dumber sa diminuì automaticamain sin 220, uschia il directur, Bruno Marinoni. Per tut quella glieud haja er dà lavur il december.

Factur betg enconuschent

Co che la situaziun e las reservaziuns dad uras sin pista sa sviluppa il proxim temp, na sappia dentant dir nagin. Ils contracts da lavur cun ils emploiads èn dentant fatgs. En media venda la Scola da skis San Murezzan 70’000 uras l’onn.

La selecziun tgi che po lavurar e tgi betg, cumenza uss per il mais favrer.
Autur: Bruno Marinonidirectur «The Red Legends»

Actualmain na dettia era nagina pussaivladad da lavur curta per ils magisters. La lobby a Berna saja memia debla, deplorescha il directur.

Reservaziun digitala

Midada saja er la reservaziun dad uras dapi la pandemia. Ils giasts reservian uras per lur uffants, tut tenor storneschian els dentant puspè tut l’ultim mument. Quai che fetschia daventar anc pli difficil da calcular. Bruno Marinoni è dentant optimistic che las scolas da skis en Svizra vegnan a superar quest temp difficil cun tut ils facturs anc betg enconuschents.

RTR actualitad 08:00

Artitgels legids il pli savens

Scrollar a sanestra Scrollar a dretga