Siglir tar il cuntegn

Header

video
Sin skis cun la scolina da Savognin
Or da RTR Social dals 14.01.2021.
laschar ir
cuntegn

Scola da skis Savognin Era tar las scolas da skis datti midadas

Era las scolas da skis ston prender mesiras e far midadas quest onn: Nagina cursa da skis, nagina tgira d’uffants sur mezdi, persuenter la mascra.

Da nov portan era «il snowli», il mascottin da las scolas da skis svizras, sco era las scolastas ed ils scolasts da skis ina mascra. In souvenir ch’ins enconuscha entant bain dal mintgadi, en cumbinaziun cun ir cun skis dentant insatge nov, cunzunt per ils uffants, di il scolast da skis da la Scola da skis Savognin, Gian Andri Dosch.

In u l’auter uffant dumonda schon «Daco has ti si quai?» u «Jau less era savair sco ti vesas ora». Ma suenter duas minutas èn ils uffants puspè fascinads d’ir cun skis u dad uschiglio insatge.
Autur: Gian Andri Doschscolast da skis a Savognin
audio
Las midadas en la scola da skis da Savognin
02:57 min, Actualitad dals 15.01.2021.
laschar ir. Durada: 02:57 minutas.

In’autra mesira che la scola da skis da Savognin ha stuì prender è, stritgar la tgira d’uffants sur mezdi. Uss vegnan ils geniturs per ils uffants, mangian u insatge dal take away u van spert a chasa e portan l’uffant puspè per las lecziuns dal suentermezdi, declera il giuven da Cunter.

Forsa betg il pli simpatic da stuair cuschinar durant las vacanzas, ma quai èn temps spezials. Nus stuain restar flexibels e s’adattar a la situaziun.
Autur: Gian Andri Doschscolast da skis a Savognin
Scolast da skis cun uffants da scolina da Savognin.
Legenda: Gian Andri Dosch cun las scolarettas ed ils scolarets da Savognin. RTR, Flavio Deflorin

Uschia ha era in auter highlight da blers uffants stuì vegnir stritgà: la cursa da skis. Cunzunt per ils uffants ambizius saja quai dir, di Gian Andri Dosch. Percunter èn quels uffants leds che na fan betg uschè gugent la cursa da skis. Malgrà las mesiras e restricziuns, il giuven da 27 onns è leds d’insumma pudair dar scolar da skis.

RTR actualitad 07:00

Artitgels legids il pli savens

Scrollar a sanestra Scrollar a dretga