Il trend da ramassar marcas e chartas e passé, di Cristian Juon, anteriur batger da Sent, che ramassa cun corp ed olma dapli ses 12avel anniversari marcas postalas. La filatelia ha gì avant 50 onns in grond «boom», ma ozendi n’è quai betg pli dumandà.
Ina charta datada dal 1854 è vegnida tramessa entaifer 4 dis da Ftan a Copenhagen. Per mai insatge incredibel.
- La British Guiana Magenta è ina marca postala da l'onn 1856 da la Guyana dad oz. Ella è vegnida stampada sco soluziun d'urgenza, è naira sin palpiri magenta e mussa ina pitschna nav a vela. En tut il mund exista mo in unic exemplar, uschia ch'ella vala sco la pli rara marca postala dal mund. A chaschun da sia ultima aucziun l'onn 2021 ha ella fatg passa 8 milliuns dollars americans.
- La Columba da Basilea è la marca postala la pli enconuschenta da la Svizra. Ella è vegnida edida l'onn 1845 dal chantun Basilea-Citad, mussa ina columba alva sco motiv ed è stada l'emprima marca postala da pliras colurs dal mund.
La valur da marcas è crudà ensemen
Las marcas n’han betg pli gronda valur, quel martgà e crudà ensemen, deploreschan Cristian Juon ed era Armon Parolini. Omadus èn filatelists intgantads. Sulettamain marcas e chartas avant il 1900 han oz anc ina tscherta valur.
La fascinaziun è da sa concentrar vid ina lavur e sa quietar cun far quella.
L’istorgia da la marca u la charta tramessa, quai è la fascinaziun dal filatelist. Radund 15 persunas èn s'inscuntradas a Scuol per discutar sur da l'avegnir dals filatelists.
Inscunter da filatelists/as
-
Bild 1 von 4. Interessents da marcas a Scuol. Bildquelle: RTR.
-
Bild 2 von 4. Armon Parolini preschenta ina colleziun. Bildquelle: RTR.
-
Bild 3 von 4. La finamira è da chattar novas e novs filatelists. Bildquelle: RTR.
-
Bild 4 von 4. Marcas da l'Engiadina. Bildquelle: RTR.
La finamira è da mantegnair ils documents ramassads e preservar che quella riva en il rument, plinavant dad empruvar a chattar giuvnas e giuvens e pli attempads che mussan interess per il mund da marcas e chartas istoricas.